Ginlutos sang Minnesota Timberwolves si LeBron James kag ang Los Angeles Lakers, 117-95, sa opisyal nga pag-umpisa sang National Basketball Association (NBA) Western Conference playoff series.
Nanguna sa Wolves si Jaden McDaniels nga may 25 points samtang may 22 points naman ang young superstar nga si Anthony Edwards.
Sa Lakers, may 37 puntos si Luka Doncic sa iya una nga post-season game kaupod sa Los Angeles; samtang, si LeBron naman nga nagalagas sa iya ikalima nga titulo sa iya ika-22 nga season sa liga ang nagdugang sang 19 points matapos wala gid naka-skor sa first quarter.
Ang Lakers amo lamang ang isahanon nga home team nga nalutos sa imbukada nga adlaw sa first-round action sa playoffs.
Sa pihak nga bahin, nalutsan naman sang Denver Nuggets ang Los Angeles Clippers, 112-110, paagi sa overtime didto sa Denver. Nanguna ang Reigning NBA Most Valuable Player nga si Nikola Jokic nga may 29 points kag Aaron Gordon nga may 25 points agud mapanas ang temprano nga 15-pt deficit sa hampang.
Daog naman ang New York Knicks paagi sa pagbubo sang 40 puntos sa fourth quarter sa hampang sini batok sa Detroit Pistons sa Madison Square Garde. Nagtakop ang hampang, 123-112.
Samtang, malayo naman ang antad sang Indiana Pacers sa ila hampang batok kay two-time NBA MVP Giannis Antetokounmpo kag Milwaukee Bucks nga nagtapos sa 117-98.
