ILOILO CITY – Gindepensa ni Magdalo Congressman Garry Alejano ang timing sang pagpasaka sang impeachment complaint batok kay Presidente Rodrigo Duterte.
Sa interview sang Bombo Radyo, ginpahayag ni Alejano nga gindungan ang pagpasaka sang reklamo sa una nga adlaw sang recess sang sesyon sang Kongreso, agud hatagan sang kahigayunan ang mga kaangay sini nga kongresista, nga makapaminsar.
Pamaagi man ini suno sa mamalidha para indi ma-railroad sang mayorya sa manubo nga panalgan sang Kongreso, ang impeachment complaint.
Gin-apelar ni Alejano sa mga miyembro sa Kamara nga i-upod sa ila pagpamalandong sa Semana Santa ang mangin desisyon sa impeachment.
Ginpanindugan naman sang kongresista nga ang pagpasaka sang impeachment complaint ang indi kabahin sang plano nga tumbahon ang Duterte administration.