Patay ang isa ka 18-anyos nga lalaki samtang kritikal naman ang iya nga manghud matapos brutal nga ginbuno sang ila tiyo sa Barangay Owak, Asturias, Western Cebu kahapon.
Ang suspek amo ang 46-anyos nga si George Batomalaque nga naaresto man gilayon sa manhunt operation sang Asturias Municipal Police sa Barangay Vito, Balamban.
Gindeklarar nga dead on arrival si Kyle Padilla matapos nag-angkon sang multiple stab wounds.
Kitchen knife nga nagalaba sang 12 pulgada ang gin-gamit sa krimen.
Ang iya manghod naman nga kanday Gerald,10 anyos, kag Princess, 8 anyos, ang nagapabilin nga yara sa kritikal nga kondisyon.
Sa inisyal nga imbestigasyon, nagakatulog ang mga biktima sang ginsulod sila sang suspek kag ginbuno.
Nagagwa nga ginasuspetsahan sang suspek nga may relasyon sa iya asawa ang hinablos nga si Kyle.
Nagagwa nga may yara man sang daan nga hiligut-anon sa tunga sang suspek kag amay sang mga biktima.
Yara na sa kustodiya sang Asturias Municipal Police Station and suspek kag nagapangatubang sang kaso nga murder kag frustrated murder.
