JANIUAY, ILOILO – Patay ang isa ka lalaki matapos ginluthang sang kaugalingon nga hinablos sa Sito Tibtib, Brgy. Quipot, Janiuay, Iloilo.
Ang biktima ang ginkilala nga si Jerry Consumo, 42, samtang ang hinablos naman amo si Ronald Consumo, 26, lunsay sang nasambit nga lugar.
Sa interview sang Bombo Radyo Police Captain Dadje Delima, hepe sang Janiuay Municipal Police Station, iya ginpahayag nga na impito ang hinablos matapos ginhingyo sa iya tiyo nga magsaylo sang ginatiniran nga balay.
Antes pa man ang insidente, may yara na nga daan sang komprontasyon nga natabo sa tunga sang magtiyo.
Suno kay Delima, homemade nga 12 gauge shotgun ang gingamit sang suspek sa pagluthang sa biktima nga may igo sa kilid.
Ginpahayag ni Delima nga gilayon nga nagsungka ang suspek matapos ang krimen.
