ILOILO CITY – Ginlunsyar sang Iloilo City Police Office (ICPO) ang TokGang Reloaded ukon tokhang batok sa mga gangs sa siyudad sang Iloilo.
Sa interview sang Bombo Radyo, ginpahayag ni ICPO spokesperson S/Insp. Sheilla Mae Sangrines nga katuyuan sini nga magpatuman sang intervention sa mga kabataan agud mapahilayo sa mga malain nga aktibidad.
Sa idalom sang amo nga programa, isa-isahon sang mga ginatawag “nanay pulis” ukon mga kapulisan sa idalom sang Children and Women’s Protection Desk sang ICPO, ang mga kabataan nga miyembro sang gangs agud ipahibalo sa mga ini ang programa sang ICPO.
Ipahanumdom man sa mga kabataan ang mga ordinansa sang siyudad nga mahimo nila mabayolar.
Ang mga pulis nga magapatigayon sang TokGang ang naka-civilian.
May pagbag-o man suno kay Sangrines sa TokGang reloaded.
Sa ini nga ti-on suno sa ICPO, mangin aktibo na ang partisipasyon sang barangay kag Sangguniang Kabataan (SK) officials.