ILOILO CITY – Umpisahan na subong nga semana sang Police Regional Office 6 (PRO-6) ang pagpatigayon sang tokhang batok sa mga loose firearms.
Sa interview sang Bombo Radyo, ginpahayag ni PRO-6 director Chief Supt. John Bulalacao nga ginadihon na ang amo nga programa nga iga-implementar sugod subong nga semana.
Target sini ang mga nagapanag-iya sang armas luthang nga wala sang lisensiya kag expired ang lisensiya.
Sa Western Visayas suno kay Bulalacao, madamo sang armas nga wala sang lisensiya.
Dugang pa sang PRO-6 chief, preparasyon man ini sang PNP para sa nagahilapit nga eleksyon.
Indi dapat makaapekto sa eleksyon suno kay Bulalacao, ang pagdata sang loose firearms.