TOKYO, JAPAN– Ginpanindugan ni Japanese Prime Minister Shinzo Abe nga madayun ang Tokyo Olympics sa bulan sang Hulyo apisar sang Coronavirus Disease 2019 (COVID-19).
Suno kay Abe, yara sa gihapon sa kamot sang International Olympic Committee ang desisyon kun madayun ang summer games ukon indi.
Nagalaum si Abe nga malampuwasan sang tanan ang paglapta sang virus kag magapadayun ang olympics santo sa plano.
Ginpahayag naman ni Tokyo Governor Yuriko Koike nga ipatuman ang hugot nga lihok agud indi na maglapta pa ang virus.
Padayon sa subong ang pagpanghanda agud masigurado nga hilway sa COVID-19 ang tanan nga magapakigbahin sa sporting event.
Nahibaluan nga nagdangat na sa 1,400 ang kaso sang COVID-19 sa Japan sa diin 28 na ang patay.
