Ginpakahuy-an sang Men’s basketball team sang France ang powerhouse nga Estados Unidos matapos ginpierde sa ila pag-atubangay sa Saitama Super Arena sa nagapadayon nga 2020 Tokyo Olympics.
Natapos ang hampang sa score nga 83-76 pabor sa France.
Nanguna si Evan Fournier sa team sang France matapos nargrekord sang 28 points samtang may 14 points naman kag nine rebounds si Rudy Gobert.
Wala nakalusot ang 18 points nga ginpangabudlayan ni Jrue Holiday para sa Team USA.
Ang pwersa sang USA ang ginalakipan man nanday Kevin Durant, Damian Lillard, Jayson Tatum kag Draymond Green.
Ini ang pinakauna nga pierde nga natilawan sang Team USA sa Olympics halin pa sadtong 2004.
May tsansa pa nga makabawi ang Estados Unidos bangud may hampang pa sila sa Group A batok sa Iran kag Czech Republic.
