Liwat nga ginpasalig sang Tokyo games organizers nga ang Olympic Village ang safe nga tiniran sa pihak ang kahangawa nga posible magtimbuok ang COVID-19 pila ka adlaw antes ang opening ceremony.
Matandaan nga sang Hulyo 18, duha ka mga South African footballers kag video analyst ang nagpositibo sa COVID-19 sa Village.
Bangud sini, 21 ka mga myembro kag staff members sang South African squad ang gintag bilang close contacts , tatlo ka adlaw antes ang ila nga first match.
Apang sa pihak sini, gindula sang Games organizers ang kahangawa sang publiko.
Suno kay Tokyo 2020 spokesperson Masa Takaya, wala sang dapat nga kabalak-an bangud ang importante amo ang pagresponde sang Japan sa mga positibo nga kaso.
Samtang nagpahayag naman ang Czech Olympic Committee nga ang beach volleyball player nga si Ondrej Perusis ang nagpositibo man sa virus sa diin ini na ang ikaapat nga kaso.
Nahibaluan nga ang Olympic Village ang tiniran sang 6,700 nga mga athletes kag officials sa Tokyo Olympics.
