Magapahuway anay sa acting ang 27-anyos nga English actor nga si Tom Holland kasunod sang pag-shoot sang iya latest project, ang crime thriller nga ‘The Crowded Room’.
Sa amo nga pelikula, ginadala ni Tom ang papel ni Danny Sullivan, isa ka misteryoso nga lalaki nga gindakop kasunod sa shooting incident sa Rockefeller Center sang 1979. Inspired ini nga pelikula sa matuod nga istorya ni Billy Milligan aka “The Campus Rapist” nga nakahimo sang pila ka mga krimen kaangay sang pagpangawat kag paghimulos sa tatlo ka mga estudyante sa Ohio State University.
Kilala si Sullivan nga may 24 ka alternate personalities kag una nga indibidwal nga gindesisyunan sang korte nga indi guilty bangud sa insanity sa basis sang dissociative identity disorder.
Magluwas nga nagdala sang papel sang kontrobersyal nga karakter, si Tom man ang executive producer sang film.
Bangud sang wala-tuo nga ulubrahon samtang gina-shoot ang movie halin sang Marso tubtub Septyembre, ginsiling ni Tom nga na-pressure siya kag nabudlayan.
“I’m no stranger to hard work. I’ve lived by the idea that hard work is good work. Then again, the show did break me. There did come a time where I needed a break and disappeared and went to Mexico for a week and had time on a beach and laid low. I’m now taking a year off, and that is a result of how difficult this show was. I am excited to see how it turns out. I feel like our hard work wasn’t in vain,” pahayag sang British star.
Suno pa sa Spider-Man actor, isa ka tuig ang iya break agud papahuwayon ang kaugalingon kasunod sang mabudlay nga mga katungdanan.
Gin-ako sini nga nabudlayan siya nga kakason ang iya kaugalingon gikan sa papel nga iya gindala.
“I was seeing myself in him, but in my personal life. I remember having a bit of a meltdown at home and thinking, like, ‘I’m going to shave my head. I need to shave my head because I need to get rid of this character,’.And obviously, we were mid-shooting, so I decided not to. It was unlike anything I’ve ever experienced before,” dugang sini nga pahayag.
Sa bulig man sang karakter nga iya gindala, gindugang ni Tom nga mas nahangpan niya ang iya nga mental health kag nahibaluan kun ano ang mga naga-trigger sa iya kag naga-tuga sang stress sa iya kaugalingon.
Nagalaum man ang actor-producer nga sa pagguwa sang pelikula nga The Crowded Room, mahaylo sini ang mga tawo nga respetuhon kag hatagan sang dugang nga simpatiya ang mga tawo nga may ginaagyan nga mental health issues.#
