ILOILO CITY –Nagapamyerdihan ang mga manugtanom sang kamatis matapos ang pag-igo sang malain nga panahon sa Iloilo City.
Sa interview sang Bombo Radyo kay Romualdo Montaño, manugtanom sang kamatis sa Tacas, Jaro, Iloilo City, iya ginpahayag nga nagkaladunot ang ila tanom nga kamatis matapos nalubog sa tubig-baha sa ila mga talamnan.
Suno kay Montaño, wala sila sang may mahimo kundi ibaligya sa mas barato nga presyo ang ila produkto.
Pahayag niya, kun sang una, mahimo mabakal sa tag P100.00 ang kada kilo sang kamatis, sa subong, nagadangat na lang ini sa tag P10.00.
Samtang, ang nagkaladunot nga kamatis ang ila na lang ginpakaon sa mga kasapatan.
