CABATUAN, ILOILO – Wala na nakapalagyo pa sang gindakop sang otoridad ang Top 1 Most Wanted Person sa Cabatuan, Iloilo.
Sa interview sang Bombo Radyo kay Police Major Niño Leonard Amar, hepe sang Cabatuan Municipal Police Station, iya ginpahayag nga ang subject person amo si Dante Alayon, 51 anyos sang Estancia, Iloilo.
Si Alayon ang may kaso nga 3 counts of rape kag paglapas sa Special Protection of Children Against Child Abuse, Exploitation and Discrimination Act ukon Republic Act 7610.
Suno kay Amar, sang 2009, ginmandu ni Hon. Judge Globert Justalero sang Branch 32 sang 6th Judicial Region nga wala sang pyansa para sa nasambit nga mga kaso.
Ginpahayag ni Amar nga mga anak man lang sang suspek ang nangin biktima kun sa diin sang natabo ang kirmen, naga-istar pa sa Cabatuan ang pamilya Alayon.
Nadakpan si Alayon sa Brgy. San Pedro, Molo, Iloilo City matapos bangud sa impormasyon nga ginhatag sang isa ka informant.
