ILOILO CITY – Ginpakigbahin sang Miss Philippines Top 10 finalist kag Ilongga beauty nga si Ma. Christina Tallador ang iya nangin pageant journey.
Nahibaluan nga nakuha man ni Tallador ang bronze award para sa iya Eco Video.
Sa interview sang Bombo Radyo kay Tallador sang Pavia, Iloilo, iya ginpahayag nga apisar ini ang pinakabata nga kandidata, indi ini upang agud ipakita ang iya potensyal.
Suno kay Tallador, dako gid ang pagpasalamat niya sa iya pageant sisters, pageant team, classmates and teachers, kag pamilya sa suporta nga ginhatag agud mangin maayo ang iya performance sa Miss Philippines Earth.
Nahibaluan nga ang Ilongga beauty ang nangin Top 5 Finisher sa Miss Iloilo 2023 kag ginkilala bilang Miss Paraw Regatta 2023.
Sa subong, nakatutok sa Tallador sa iya pag-eskwela sa diin qualified ini kag nagaplano sa pagkuha sang kurso nga Nursing sa West Visayas State University.
Bukas man ini sa pagpasakop sa iban pa gid nga mga pageants sa palaabuton.
