Iloilo – Arestado sa syudad sang Iloilo ang ginakabig top 2 most wanted sa Laguna.
Ang suspek amo si Renato Dela Cruz, 69, residente sang Purok 6, San Juan Poblacion Kalayaan, Laguna, nga may kaso nga paglapas sa Republic Act 7610 ukon an act providing for stronger deterrence and special protection against child abuse, exploitation and discrimination, and for other purposes.
Natigayon nga nadakpan si Dela Cruz sa Guanco Street, Barangay Nonoy, City Proper.
Sa interview sang Bombo Radyo kay Police Major Shella Mae Sangrines, spokesperson sang Iloilo City Police Office, iya ginpahayag nga nakig-angot ang pamilya sang nabiktima ni Dela Cruz sa barangay officials sang Calumpang, Molo kun sa diin ulihi ini nasiplatan.
Suno kay Sangrines, nangin madinalag-on pagdakop sa suspek bangud sa joint collaborative effort kaupod ang Kalayaan Laguna Municipal Police Station kag Iloilo City Police Office.
Nahibaluan nga nag-issue si Hon. Mary Jean Tibo Cajandab, Presiding Judge of Regional Trial Court 26, Fourth Judicial Region, sang Sta. Cruz, Laguna warrant of arrest kay Dela Cruz sa kaso nga 3 counts of Acts of Lasciviousness sa idalom sang Sec. 336 sang revised penal code may kaangot sa Sec 5 B sang Republic Act 7610.
