ILOILO CITY – Ginpagwa na sang Miss Universe Philippines ang top 40 candidates para sa 2023 edition sang competition.
Sa Western Visayas, anum ka mga matahom nga kandidata ang nalakip sa final 40.
Ini sila amo sanday Miss Iloilo 2023- Universe Chloe Cabales; Miss Paraw Regatta 2016 Vanessa Tsewing nga maga-represent sang Guimaras; Miss Kalibo 2023 kag Miss Western Visayas Body Beautiful 2022 sang Avery Mariane Sucgang; Mutya ng Capiz 2017 kag Miss West Visayas State University 2018 Shayne Glenmae Maquiran; Miss Bacolod MassKara International Jan Marie Bordon kag ang tumandok sang Cabatuan nga Filipina-Ghanian nga si Christiana Afia Yeboah nga nakilala bangud sa pagsakay sini sa motorsiklo agud nga makatambong sa iya graduation ceremony sa University of the Philippines.
Lakip man sa big names kag balantayan sa competition amo ang mga repeaters kag titleholders nga sanday Miss Universe Philippines 2022 Tourism Michelle Dee, Miss Universe Philippines 2022 Charity Pauline Amelinckx, Miss Grand Philippines 2021 Samantha Panlilio, Reinahispanoamericana Filipinas 2021 Emmanuelle Vera, Mutya ng Pilipinas 2019 Klyza Castro.
Sa pinakauna nga tion, ang 2023 pageant ang ginalakipan man sang mga young moms nga sanday Clare Dacanay kag Mary Eileen Gonzales.
Ang mangin winner sang pageant ang magabulos sa current titleholder nga si Celeste Cortesi kag maga-compete sa Miss Universe 2023 pageant sa El Salvador.
