Atensyon sa mga mahilig magkaon sang utan!
Ang pagkaon sang utan ang manami sa ikaayong lawas agud nga makalikaw sa balatian.
Ano bala ayhan ang partikular nga nahatag sang utan sa aton ikaayong lawas?
Suno kay anay Department of Health Secretary kag Integrative Medicine advocate Dr. Jaime Galvez-Tan, may yara sang lima ka mga nagapanguna sa mga utanon nga madamo sang nutrisyon nga makuha.
Una diri amo ang Tangkong nga may mataas nga S-methyl Methionine nga ginagamit sa pagsakit sang tyan.
May yara man ini sang Vitamin A agud nga mangin mas masanag ang panan-awan kag magpino ang supat.
Ika-duha amo ang ugbos sang kamote nga nagabulig sa pagpatay ukon sa pagpugong sa pagdamo sang fungi kag bacteria.
Bastante man sa calories, Vitamin A kag iron ang ugbos sang kamote kag ini lamang ang utan nga may iodine.
Nagapangatlo amo ang dahol sang katumbal nga sagana sa calcium ka iron, may yara man ini sang phosphorus, Vitamin A kag B.
Nagapatinlo man ini sang dugo kag nagatapna sa pag-angkon sang rayuma.
Nagapang-apat amo ang balunggay nga ginakabig miracle vegetable.
Ginagamit man ini sa pagtinlo sa mga pilas kag nagabulig nga mapahagan-hagan ang pagsakit sang dulungan kag ulo.
Nagabulig man ang balunggay sa mga nagapa-breastfeed nga mga iloy.
Kag ang pinaka-ulihe amo ang tagabang nga bastante sa Beta-carotene para sa pagpasanag sang mata kag Iron para sa red blood cells.
Nagapadasig man sa pag-ayo sang pilas ang pagkaon sang tugabang kag nagapabaskog sang resistensya sa tawo.
Panugyan sang eksperto, kun luyag nga makuh ang 100% nga bitamina kag mineral nagikan sa mga utan nga nasambit, kaunon ini sang hilaw.
