ILOILO CITY – Nagpalab-ot na sang feelers sa Police regional Office 6, ang no. 1 drug lord sa Western Visayas nga si Richard Prevendido.
Sa interview sang Bombo Radyo Iloilo, ginpahayag ni Police Regional Office 6 (PRO-6) spokesman Supt. Gilbert Gorero nga may mga nagpalab-ot sang impormasyon sa ila talatapan nga luyag magsungka ni Prevendido.
Apang nagakahangawa ang drug lord sa seguridad sini.
Kadungan sini, ginpasiguro sang Police Regional Office 6 nga dakpon sang buhi si Prevendido apang indi mapahanugutan sang PNP nga may malagas nga kabuhi sa ila hanay sa kampanya batok sa iligal nga droga.
Si Prevendido ang may patong sa ulo nga P1 million.
Una na gin-ako sang kapulisan nga mabudlay dakpon si Prevendido.
Sa pinakaulihi nga intelligence information sang PRO6, ginsunod pa ni Prevendido ang dagway sang anay Cuban leader nga si Fidel Castro, agud makalikaw ini sa mga otoridad.