Wala ginpalampas ni newly-installed Philippine National Police (PNP) chief Police General Nicolas Torre III ang komento ni Davao City vice mayor-elect Sebastian Duterte batok sa iya kag sa iya bag-o nga posisyon bilang pinakamataas nga opisyal sang kapulisan.
Lunes, Hunyo 2, sang pormal nga nagpanumpa si Torre bilang PNP chief matapos gin-appoint ni President Ferdinand “Bongbong” Marcos, Jr.
Gin-promote siya halin sa police major general (two-star) pasaka sa police general (four-star) nga duha ka ranggo nga mas mataas.
Samtang yara sa The Hague, Netherlands agud magbisita sa iya amay nga si former President Rodrigo Duterte, nagpahayag si Baste nga indi “merit-based” ang appointment kay Torre kundi isa ka “pabor.” Ginbalikan man sini kun paano ginpasakay ni Torre si former President Duterte sa eroplano kag gindala sa The Hague nga wala suno sa iya nagasunod sa “due process.”
“I would admire this person (Torre) if he did everything with due process. Technically, if you talk about the case, or review what happened—what transpired during that time, ‘yung ginawa kay FPRRD, with KOJC, and lahat—he was only handpicked there by the administration because he is an attack dog, nothing more than that,” suno kay Baste.
Dugang sini: “Three ranks yung inakyatan niya… na ngayon sinasabi ni [former PNP chief] Marbil na it was based on merit? Oh, come on!”
Sabat naman ni Torre nga halin sa police major general (two-star) pasaka sa police general (four star), ginatahod niya ang opinyon ni Baste. Apang ginpahanumdom man sini sa alkalde ang appointment ni Senador Ronald “Bato” dela Rosa nga amo ang una nga ginbutang ni former President Duterte nga PNP chief sang 2016.
Sang amo nga tion, one-star pa lamang si Bato ukon police chief superintendent kag ginhimo nga police director general nga tatlo ka ranggo nga mas mataas para mauyatan sini ang posisyon nga Chief sang PNP.
“Okay. I just respect his decision and I respect his opinion. And rewind-rewind lang nang kaunti sa termino naman ng tatay niya kung sino ang unang chief PNP, okay? Ano ang ranggo ng unang chief PNP [ng tatay niya] at ano ang ranggo ko bago ako naging Chief PNP? So, it really goes back to him really. Seriously speaking it goes back to him, okay. The first Chief PNP of his father is a one-star na naging automatic four-star. Did he ask that? Did he question that?” sabat sang bag-o nga PNP chief.
Madumduman nga antes pa man nanguna si Torre sa pagdakop kay former President Duterte sang Marso 11, siya man — nga regional director sang Police Regional Office Davao Region sang amo nga tion — ang nanguna sa operasyon sa Davao City sang 2024 agud pangitaon kag pasungkaon si Pastor Apollo Quiboloy nga kaalyado man sang mga Duterte.#
