Nagpangabay si Gen. Nicolas Torre III sa publiko nga indi siya ang kaluoyan kundi ang minilyon nga Pilipino nga biktima sang mga pagbaha.
Lakip ini sa kaundan sang video statement nga gin-release sang police official matapos nga gin-relieve siya sa posisyon apisar sang mga high-profile arrests nga iya nahimo antes ang pagpungko bilang pinakamataas nga opisyal sang Philippine National Police (PNP).
Pahayag ni Torre, “okay” siya subong kag gina-abi-abi gid niya ang tanan nga suporta nga nabaton.
“Salamat sa mga naawa sa akin, ngunit hinihiling ko sa inyo, ‘wag n’yo akong kaawaan… Kung meron man tayong dapat kaawaan, yun ay ang milyun-milyon nating kababayan na paulit-ulit na nagiging biktima ng palagiang pagbaha,” suno kay Torre.
“Sila ang tunay na nangangailangan ng tulong at kalinga sa panahon ngayon sapagkat hindi naman sila ang dapat laging nagdudusa at naghihirap tuwing tag-ulan,” dugang niya.
Ginklaro man liwat ni General Torre nga wala siya sang kalain sang buot kay President Ferdinand Marcos Jr. Pahayag pa sini, bisan indi na siya Chief PNP, pulis man siya gihapon subong, kag magapadayon siya sa pagserbe sunod sa mandu sang presidente kag sang pungsod.
“Nauunawaan ko na kailangan niyang gumawa ng mga mabibigat na desisyon at ang pagkaalis ko bilang Chief of the Philippine National Police ay isa lamang sa mga ito,” suno sa iya. “Pulis pa rin naman ako. I serve and I still continue to serve at the pleasure of the President and our country.”
Napaidalom subong si Torre sa Personnel Holding and Accounting Unit nga isa ka functional office sa idalom sang Directorate for Personnel and Records Management.#
