ILOILO CITY – Ginatun-an sang siyudad sang Iloilo ang pagpatuman sang total firecrackers ban umpisa sa masunod nga tuig.
Sa interview sang Bombo Radyo kay Mayor Jose Espinosa III, ginpahayag sini nga ila ginakonsiderar ang madulaan sang palangabuhian sa ti-on nga dumilian na ang pagbaligya sang palupok.
Indi malipod suno sa alkalde nga kilala ang bahin sang Molo kag distrito sang Arevalo sa amo nga industriya.
Dugang pa sang alkalde, dapat nga may alternatibo nga palangabuhian para sa mangin apektado sa ti-on nga madayon ang firecrackers ban.