Malipayon ka pa bala sa inyo relasyon sang imo nobyo ukon nobya? Mas madamo pa bala ang away niyo kun ipaanggid sa pag-mayohay ninyo nga duha?
Mahimo nga yara ikaw sa isa ka toxic nga relasyon. Indi mo lang ma mulalungan apang nagaka-apektuhan na ang inyo ikaayong lawas.
Suno kay Linda Weinberger, professor sa clinical psychiatry and behavioral sciences sa Keck School of Medicine sang University of Southern California, ang healthy relationship ang nagahatag sa imo sang kalipay kag naga pa energize pa sa imo samtang ang toxic relationship naman ang nagahatag sa imo sang depression kag kalain sang buot.
Kun yara ikaw sa toxic nga relasyon, dako ang imo risgo nga makaangkon sang heart problems kaangay sang fatal heart attack.
Magluwas sini, nagataas man ang imo blood sugar levels kag high blood pressure, nagapahina sang immune system kag madasig makabatyag sang kakapoy.
Kun wala kana gina-respeto sang imo nga partner, kun lunsay kabutigan na lang ang iya ginahimo, kun kulang na siya sa pagpaninguha, kulang sang pagsalig, kulang sa komunikasyon, ginasakit kana pisikal kag emosyonal, panugyan ni Weinberger, tion na agud nga magbuya sa inyo nga relasyon.
Deserve mo ang isa ka healthy relationship sa diin duha kamo ang naga-respetuhanay kag gina-tratar ikaw nga may pagpalangga.
