Mangin kwalipikado na ang mga trabahador sa transport sector nga makabakal sang bugas sa presyo nga P20 kada kilo.
Suno sa Department of Agriculture, ini magasugod sa Martes nga adlaw, Setyembre 16.
Ginpahayag sang DA nga may 57,000 ka public transport workers ang ginapaabot nga makabenepisyo sa nasambit nga programa sa inisyal nga pagpapatuman sini.
Kalakip sa mga kwalipikado amo ang mga bus, jeepney, kag tricycle drivers, pati na ang mga transport operators.
Sa idalom sang programa, ang mga kwalipikado nga drivers kag operators ginatugutan nga makabakal sang tubtob 10 ka kilo sang bugas kada bulan sa naka-subsidiya nga presyo nga P20/kilo.
Ang ini nga tikang kabahin sang kampanya sang gobyerno nga maghatag sang mas abot-kaya nga presyo sang pagkaon sa mga sektor nga apektado sang padayon nga pagtaas sang presyo sang mga balaklon.
