ILOILO CITY – Temporaryo nga ginsirado subong nga hapon ang ground floor sang Iloilo City Hall kasunod sang pagpositibo sang pila ka empleyado sa Coronavirus Disease 2019 (COVID-19).
Sa interview sang Bombo Radyo kay Mayor Jerry Treñas, iya ginpahayag nga ang 3 tubtub 4 ka mga empleyado nga na-assign sa City Tresurer’s Office ang nagpositibo sa virus.
Bangud sini, mas makapaayo suno sa alkalde nga magpatigayon sang random swab test sa mga empleyado nga na-assign sa tanan nga division sa idalom sang nasambit nga opisina.
Pagkatapos sang disinfection subong nga hapon, magabalik ang regular nga trabaho sa City Treasurer’s Office buwas, Setyembre 16.
