ILOILO – Magapadayon ang trabaho sa Iloilo Provincial Capitol buwas nga adlaw, Pebrero 14.
Sa interview sang Bombo Radyo kay Gov. Arthur Defensor Jr., iya ginpahayag nga iya saulugon niya ang adlaw sang tagipusu-on sa kapitolyo.
Suno kay Defensor, may yara siya sang nakalinya nga pagsinapol nga dapat tambungan kaupod si Iloilo Police Provincial Office Officer-in-Charge Police Col. Paul Kenneth Lucas.
Magluwas diri, iya man nga sapulon ang mga alkalde sa probinsya sang Iloilo may kaangtanan sa patigayunon nga Limpyo Iloilo.
Bilang bana naman, ginpahayag ni Defensor nga sa adlaw sang tagipusu-on, malayo siya sa iya tiayon apang may yara man sang telepono agud nga sila ang maka-istoryahanay.
May kaangtanan diri, ang tagsa ka talatapan sa kapitolyo ang may yara sang nanari-sari nga disensyo may kaangtanan sa Valentine’s Day.
