BINGAWAN, ILOILO – Balik na ang trabaho sa munisipyo sang Bingawan, Iloilo matapos ang ginpatigayon nga disinfection.
Sa interview sang Bombo Radyo kay Mayor Mark Palabrica, iya ginpahayag nga 3 ka adlaw ang ginhatag agud nga matapos ang pagpaninlo sa munisipyo.
Suno kay Palabrica, ang iban sa mga empleyado ang work-from-home agud nga mapadayon ang paghatag sang serbisyo sa mga pumuluyo.
Ang Municipal Health Officer naman ang temporaryo nga maga-opisina sa isa ka hulot sa Bingawan Central Elementary School bangud nga naka-lockdown pa ang Rural Health Unit office.
Sa subong, kulang ang manpower sang Rural Health Unit kasunod sang pagpositibo sa Coronavirus Disease 2019 (COVID-19) sang pila ka health employees nga naka-angkon sang close contact sa mga COVID-19 positive.
