ILOILO CITY – Nagtukod na sang tracker team ang Task Group Iloilo para sa mga nagalagaw ukon mahilig mag-eskapo nga mga delegado sang ASEAN Ministerial Meetings sa Iloilo City.
Sa interview sang Bombo Radyo Iloilo, ginpahayag ni Supt. Gilbert Gorero, spokesperson sang Police Regional Office 6, ginasiguro lang sang Security Forces nga wala sang ano man nga matabo sa mga delegado sang mga member countries.
Sa ministerial meeting nga ginhiwat sa Boracay, wala nabudlayan ang tracker team tungod tatlo lamang ka barangay sa isla ang ila nga i-secure apang diri sa Iloilo, aminado si Gorero nga madamo sang posible kadtuan ang ASEAN delegates.