MANILA – Mahimo nga mapreso kag pabayaron sang multa ang traders nga nagapalusot sang imports agud paguwaon nga local goods may kaangtanan sa “buy local” campaign sang Department of Trade and Industry.
Sa statement sang Department of Trade and Industry, ang traders nga mapamatud-an nga guilty bangud sa mislabeling ang mahimo nga mapreso sang duha ka tuig kag magbayad sang penalty bangud sa paglapas sa Republic Act No. 7394 ukon Consumer Act of the Philippines.
Suno sa ahensya, sa Article 77 sang Republic Act 7394, ang product labels ang dapat kumpleto kasubong sang “Country of Manufacture” para sa imported nga produkto.
Nagakadapat man nga nakasaad kun ang consumer product ang manufactured, refilled ukon repacked.
Nagpaguwa man ang ahensya sang Administrative Order No. 01-08 ukon “Addenda to the Implementing Rules and Regulations of Republic Act No. 7394,” para sa tanan sa consumer products nga ginabaligya sa Pilipinas.
May kaangtanan sa pagbuhi sang “buy local” campaign, nagpaandam ang Department of Trade and Industry sa traders nga nagapamentaha.
