Patay ang isa ka traffic enforcer matapos gintiro sang ginsita sini nga rider sa Congressional Road, Brgy. Burol 1. Dasmarinas City.
Ang biktima amo si alyas “Ranso,” 36 anyos samtang ang suspek amo si alyas “Cezar,” nga residente sang amo man nga syudad.
Base sa imbestigasyon, gin-impound sang enforcer ang salakyan sang rider matapos nagbaisay ang mga ini bangud sa indi pagsuksok sang helmet sang suspek kag angkas sini nga babaye.
Ginpahayag nga wala sang lisensya klg dokumento sang motorsiklo ang rider.
Matapos gin-impound, nagbalik ang suspek kag gin-istorya ang enforcer kag ginhingyo nga ibalik ang iya motorsiklo.
Wala nagpasugot ang enforcer kag liwat sila nagbaisay.
Didto na nagkuha sang pusil ang suspek kag gintiro ang biktima.
Madasig nga nalagyo ang suspek kag padayon pa nga ginapangita.
Nadala pa sa ospital ang biktima apang wala na natabangan pa.
