Ginakwestyon sang isa ka passenger assistant officer sang Metro Iloilo Transport Service Cooperative nga ginkilala kay “Alyas Nonoy” ang indi patas nga pagtrato sang mga traffic enforcer sang Iloilo City Traffic and Transportation Management Office sa mga modernized jeepney.
Sa interview sang Bombo Radyo kay Alyas Nonoy, ginpahayag sini nga kada mag-drop sila sang pasahero sa loading kag unloading area, ginasita kag ginaticketan sila, samtang ang mga traditional jeepney nga nakapundo sa amo man nga lugar ginapabayaan lang.
Gintudlo pa sini nga sa area sa tubang sang shopping mall sa Tagbak, Jaro, permi may traffic bangud sa pagpundo sang traditional jeep kag private car sa duha ka kilid sang dalan, apang wala sang tikang ang mga enforcer.
Ginpanawagan sini nga patas nga ipatuman ang trapiko sa tanan nga motorista kag hatagan sang solusyon gilayon ang ICTTMO.
Reported by: Bombo Krylle Melliza/Via Bombo Reports Afternoon Edition, Hosted by Bombo Hannah Andasa
