ILOILO CITY – Ginakulang ang numero sang mga traffic investigators sa Iloilo City Police Office.
Sa interview sang Bombo Radyo kay Police Lieutenant Colonel Ethan Estaya, chief sang Traffic Enforcement Unit sang Iloilo City Police Office, iya ginpahayag nga nagakinahanglan sang 30 ka mga traffic investigators ang syudad apang sa subong, may yara lamang sang 20.
Suno pa sa iya, gintingub ang traffic investigators sang Molo kag Arevalo bangud sang tuman ka nubo nga numero sang mga vehicular accidents sa duha ka mga distrito.
Ginklaro man ni Estaya nga mahimo man nga makaresponde ang mga traffic investigators nagikan sa iban nga distrito.
