ILOILO CITY- May yara sa gihapon sang dalagko nga trailer trucks sa highway sa Loboc, Lapuz, Iloilo.
Ini apisar nga gindumilian na ang pag-park sang heavy equipment sa lugar kasunod sang kamatayon sang isa ka lalaki matapos nga nakabunggo sa naka-park nga trailer truck ang ginamaneho nga motorsiklo.
Sa interview sang Bombo Radyo kay Punong Barangay Pancho Vijuan, iya ginpahayag nga anom ka trailer trucks ang yara sa lugar.
Suno kay Vijuan, bangud wala man sila sang gahum nga pahalinon ang mga ini, nagpangabay siya sa mga law enforcers sang syudad nga buligan sila.
Nahibaluan nga may nagaeksister nga ordinansa nga napasar sang 2022 nga nagadumili sa mga trucks, container van, kag trailers nga mag-park sa mga national roads.
