Kun si American trainer Freddie Roach ang pamangkuton, mas luyag niya nga makasumpong anay ni eight-division world champion Manny Pacquiao si American professional boxer Ryan Garcia antes pa man atubangon ang mga kaangay man nga American professional boxer nga sanday Terence Crawford kag Errol Spence.
Interesado si Roach kay Garcia nga posible mangin warm-up ni Pacquiao antes ang mas dako nga hampang kontra kanday Crawford kay Spence.
Apang gin-athag ni Roach nga indi mahimo ipakanubo si Garcia bangud mas bata ini, mabakod, madasig kag may determinasyon nga makuha ang kadalag-an batuk kay Pacquiao.
Nahibaluan nga ulihe nga hampang sang fighting senator ang natabo sang Hulyo 2019 pa sa diin ginlutos sini si American professional boxer Keith Thurman via split decision.
