ILOILO CITY – Nangin mabinungahon ang ginpatigayon nga training kaangot sa ‘Preparing Winning Research Proposals’ sang Department of Agriculture Western Visayas.
Ini ang ginpangunahan sang Learning and Development Unit sang ahensya.
40 ka mga personnel, lakip na ang mga research specialists, agriculturists, kag agricultural writers ang nagtambong sa kahiwatan.
Pinaagi sa nasambit nga paghanas, mas nahatagan sang dugang nga ideya ang mga participants sa mastery sang research writing, partikular sa pag-formulate sang research titles, objectives, methodology, kag analysis.
Nangin dinapit nga bisita sa kahiwatan si Early Sol Gadong sang University of the Philippines – Visayas sa diin ginpatpat sini ang importansya sang pagpreparar kag pagpasa sang research proposals agud mas mapasanyog ang serbisyo sang ahensya sa tunga man sang nagkalain-lain nga mga issue.
