ILOILO CITY – Gin-ulan sang pagdayaw si Reina Hispanoamericana Filipinas 2022 Maria Ingrid Santamaria sa iya “dragon-like” national costume nga gintawag nga “Minokawa.”
Suno kay Ingrid, ang iya armor nga napalibutan sang gold scales kag ang iya magestic wings ang naga-represent sang paglaum sa tagsa-tagsa.
Lakip sa mga nagdayaw sa national costume ni Maria Ingrid amo sanday Hannah Arnold, Ayn Bernos, kag Angela Okol.
Ang beauty queen ang yara sa subong sa Bolivia para sa Reina Hispanoamericana pageant kun sa diin, tinguhaan sini nga makuha ang ikaduha nga crown para sa Pilipinas, sunod kay Winwin Marquez sang 2017.
Ang coronation night ang balantayan sa March 25, kun sa diin, ipasa ni Andrea Bazarte sang Mexico ang iya korona.
