Wala untat ang pagpakamalaut nga ginahaboy sa transgender athlete nga si Lia Thomas matapos nga ini ang nangin maragtasan sang nagdaug sa NCAA swimming championship.
Si Thomas ang isa ka transgender swimmer nga nakakuha sang titulo sang nagdaug sa 500 meter freestyle.
Isa sa nag-protesta amo ang anay Olympic swimmer nga si Reka Gyorgy nga nagpadala sang sulat sa US college sports governing body agud nga kwestyunon ang pagdaug ni Thomas.
Nakasaad sa pagsulundan sang USA Swimming nga ang transgender atlethes ang kinahanglan nga magpaidalom sa tatlo ka tuig nga hormone replacement therapy bag-o ini makaintra sa ano man nga kompetisyon.
Sa sitwasyon ni Thomas, kulang pa ini sang anom ka bulan apang nagdesisyon ang NCAA nga indi na pagsundon ang ginapatuman nga pagsulundan sang Swimming organization.
Gikaakig naman sang iban pa nga mga atleta ang amo nga desisyon sang NCAA.
Nalakip man ang Save Women’s Sport, ang grupo nga nagakontra sa transgender athletes sa mga nagpatigayon sang protesta.
