Kun ano kadasig ang pagsikat sang New Zealand transgender weightlifter nga si Laurel Hubbard, amo man sini kadasig ang iya exit sa women’s super-heavyweight competition.
Nag-overbalance ang 43 anyos nga si Hubbard sa opening weight nga 120kg.
Sa iya nga ikaduha nga attempt sa 125 kg, invalid ini sandig sa 2-1 majority decision sang referees.
Napalpak man ang iya nga third attempt sa amo man gihapon nga bug-at.
Sa pagsulundan sa weightlifting, ma-eliminate ang atleta kun indi siya maka-record sang at least isa ka valid lift sa duha ka parte sang kumpetisyon — ang snatch, kag ang clean and jerk.
Bangud sini, nakabaton si Hubbard sang mark nga DNF (did not finish). Antes siya nagbiya sa podium, nagpakita pa siya sang heart sign sa cameras sa palibot.
Antes ang kumpetisyon, nangin kontrobersyal ang pangalan ni Hubbard bangud siya ang ‘first openly transgender athlete’ nga nag-compete sa Olympics. Lalaki si Hubbard sang ginbun-ag siya sang iya nga iloy apang gin-islan niya ang iya pangalan walo ka tuig na ang nagligad. Nagpaidalom siya sa hormone therapy to transition antes nagbalik sa weightlifting, ang sport nga wala na niya ginhampang sa masobra 10 ka tuig.
Nag-init ang debate sa tunga sang transgender rights advocates kag sang mga kritiko bangud inclusion ini pahayag sang mga naga-suporta sa 43 anyos nga si Hubbard apang unfair naman para sa iban.
Sa bahin sang mga kritiko, ginpahayag nga may unfair advantage si Hubbard bangud sa mga physical attributes nga yara na nga daan sa iya lawas sa mga tuig nga lalaki siya. #
