ILOILO – May yara na sang Local Governance Transition Team sa Iloilo Provincial Capitol.
Ini ang kasunod sang pagpaguwa sang Executive Order 153-2019 ni Iloilo Governor Arthur Defensor Sr.
Sa interview sang Bombo Radyo kay Atty. Suzette Mamon, OIC Provincial Administrator, iya ginpahayag nga ang Transition Team ang ginapangunahan ni Gov. Defensor samtang siya naman ang Vice Chairperson.
Magaserbe naman nga miyembro sang Transition Team ang tanan nga Department Head kag Chief of Hospital sa probinsya sang Iloilo kag si Department of Interior and Local Govenrment (DILG) Provincial Director Teodora Sumagaysay.
Bag-o pa man magbulos si Iloilo 3rd District Cong. kag Governor-elect Arthur ‘Toto’ Defensor Jr., kinahanglan nga ipasa sang Transition Team ang tanan nga financial kag inventory documents para sa pormal nga turn-over.
Ini agud nga wala na sang kwestyon ang masunod nga gobernador tuhoy sa nakaligad nga administrasyon.
Nakadepende naman Cong. Defensor kun sin-o ang iya iga-appoint nga mga empleyado nga cotermino sa iya.
