ILOILO CITY – Nangin matalunsay ang ginpatigayon nga turn over ceremony sang transition team nanday incoming Iloilo City Mayor Jerry Treñas kag outgoing Mayor Jose Espinosa III.
Sa interview sang Bombo Radyo kay Mr. Jonas Belocillo, pinuno sang transition team kag chief of staff ni Treñas, iya ginpahayag nga kumpleto ang tanan nga mga dokumento nga ginpasa sang Espinosa administration sa pagpamuno sang pinuno sang ila transition team nga si City Administrator Atty. Hernando Galvez.
Suno kay Belocillo, ila pa nga tun-an ang tanan nga mga dokumento.
Magluwas sini, ginpangayo man sang natungdan ang mga dokumento sa gasto kag income sang Iloilo Dinagyang Foundation Incorporated (IDFI).
Samtang, ginkumpirma man ni Belocillo nga nahisto na ang tanan para sa oath taking ni Treñas bilang alkalde sang Syudad.
Ini ang patigayunon sa las 9:00 sang aga sa Hunyo 28 sa Iloilo Convention Center.
