ILOILO CITY– Nagpatigayon sang turn over sang mga dokumento ang transition team nanday anay Iloilo Gov. Arthur Defensor Sr. kag anak sini nga si Iloilo Gov. Arthur ‘Toto’ Defensor Jr. sang kadungan sang flag ceremony kaina sang aga.
Ginbasa ni Atty. Suzette Mamon, Provincial Administrator kun ano ang mga dokumento nga ginpangturn over.
Ini ang ginalakipan sang governance assessment report, Commission on Audit (COA) report, Local Development Investment plan, Annual investment plan, Executive and Legislative Agenda, Organizational structure, Inventory of personnels kag iban pa nga mga dokumento.
Nangin matalunsay naman ang ginpatigayun nga pag turn-over sang mga nasambit nga dokumento agud magamit sang bag-o nga administrasyon.
Gintambungan naman ang nasambit nga turn over ni Teodora Sumagaysay, Director sang Department of Interior and Local Government (DILG) Iloilo.
