ILOILO CITY – Igapasa na sang General Services Office (GSO) ang mga dokumento tuhoy sa tanan nga asset sang syudad sang Iloilo kadungan sang patigayunon nga pagsinapol sang transition teams sang outgoing kag incoming administration sa Iloilo City Hall.
Ang nasambit nga pagsinapol ang patigayunon buwas nga adlaw, Hunyo 21.
Sa interview sang Bombo Radyo kay Mr. Joren Sartorio, pinuno sang GSO, iya ginpahayag nga may yara siya nabaton nga mandu gikan kay outgoing Iloilo City Administrator Atty. Hernado Galvez nga tipunon ang mga dokumento tuhoy sa tanan nga asset sang Iloilo City Govenment.
Ginpahayag ni Sartorio nga nakahanda na ang tanan nga dokumento nga kinahanglanon ni incoming Iloilo City Mayor Jerry Treñas.
Gin-athag ni Sartorio nga indi lamang ang GSO ang magapasa sang status report kundi magapasa man ang tanan nga talatapan sa Iloilo City Hall.
