ILOILO – Nakahanda na ang transition team sang outgoing kag incoming Governor sang probinsya sang Iloilo.
Sa interview sang Bombo Radyo kay Acting Provincial Administrator Atty. Suzette Mamon, iya ginpahayag nga sa subong, ginahitso na sang transition team ni outgoing Iloilo Gov. Arthur Defensor Sr. ang mga dukomento tuhoy sa status sang proyekto, pondo kag performance sang tagsa ka talatapan sa Iloilo Provincial Capitol.
Sa Lunes, Hulyo 1, ginpahayag ni Atty. Mamon nga makighinun-anon siya sa Department of Interior and Local Government (DILG) kun bala nagakinahanglan pa sang formal turn-over ukon maga mato-mato na lang ang tagsa ka transition team.
Katuyu-an sang turn-over ceremony suno sa natungdan amo nga mahibalu-an sang bag-o nga set sang elected officials kun ano ang status sang panggobyerno sa probinsya sang Iloilo.
Sa subong suno kay Atty. Mamon, wala pa sang mandu si incoming Iloilo Gov. Arthur ‘Toto’ Defensor Jr., kun bala may yara sang pagbag-o sa department heads kag appointted officials sa Iloilo Provincial Capitol.
