ILOILO CITY – Wala pa nakapatigayon sang face-to-face meeting ang transition teams sang outgoing kag incoming Mayor sang syudad sang Iloilo.
Sa interview sang Bombo Radyo kay Iloilo City Mayor-elect Jerry Treñas, iya ginpahayag nga wala pa siya makabaton sang sabat gikan kay outgoing Iloilo City Mayor Jose Espinosa III.
Ginpahayag sang alkalde nga wala pa sang gintalana nga petsa kag lugar tuhoy sa patigayunon nga pagsinapol sang transition teams.
Kadungan sini, ginpahayag ni Treñas nga iya ipausisa kun sa diin na nagkadto ang ginapahayag ginbakal sang Iloilo City Government nga mga drone nga nagabalor sang P800,000,
duha ka 4X4 pick-up truck nga nagabalor sang P2 million kada isa kag ang computer set nga nagabalor sang P100,000.
