Samtang ginapadayon ang protesta sang pila ka transport groups batok sa korapsyon sa gobyerno, nagapabilin nga committed sa serbisyo publiko ang mga transport cooperatives sa Iloilo, kag indi mag-upod sa ginaplano nga ‘nationwide transport strike.’
Sa interview sang Bombo Radyo kay Raymundo “Boyet” Parcon, Chairman sang Western Visayas Transport Cooperative, ginpahayag niya nga bisan pa nga naga simpatiya sila sa mga grupo nga naga rally, mas ginaprayoridad nila ang modernisasyon sang transportasyon kag ang padayon nga serbisyo sa mga pasahero sa Iloilo.
Ginpabutyag niya nga kontra sila sa korapsyon, apang indi man sila mag-untat pagbyahe. Suno sa iya, yara sila subong sa proseso sang modernisasyon kag ginapangayo ang bulig sang lokal nga gobyerno para sa seguridad sang mga pasahero kag drayber.
