Transport cooperatives sa Western Visayas, nagaproseso na sang permit sa kuhaon nga ginatos nga modernized jeepneys

Ginaproseso na sang transport cooperatives sa Western Visayas ang ila application sa pagkuha sang permit para sa kuhaon nga dugang nga modernized jeepneys.

Sa interview sang Bombo Radyo kay Mr. Raymundo Boyet Parcon, Presidente sang Western Visayas Transport Cooperative (WVTC) kag Iloilo City Loop Alliance of Jeepney Operators and Drivers Association (ICLAJODA), iya ginpahayag nga ginatinguhaan nila nga applyan ang kapin 105 ka units sang modernized jeepneys agud makabyahe sa pito ka bag-o nga ruta sa syudad sang Iloilo.

Suno kay Parcon, P160,000 ang subsidy sang gobyerno sa kada unit sang modernized jeepney.

Pahayag sang natungdan, sa pito ka bag-o nga ruta sa syudad, 15 ka units sang jeep ang ila gin-applyan agud makabyahe sa kada ruta.