Indi makahatag sang dako nga bulig sa transport sectors sa probinsya sang Iloilo kun subsidiya lang halin sa gobyerno ang ila nga saligan.
Ini bangud nga mataas sa gihapon ang presyo sang gatong subong nga wala pa nagtakop ang tension sa Middle East.
Suno kay Pear Joy Jamorin, Manager sang Sta. Barbara-New Lucena Iloilo Transport Cooperative sa question hour nga ginhatag sang Sangguniang Panlalawigan antes ang ila 38th regular session, indi makasapar sa mga transport sectors kag sa ila pamilya ang subsidya nga ila mabatun.
Ginpakigbahin man niya nga madamo ang mga Public Utility Jeepney (PUJ) Drivers ang padayun nga nagabyahe indi bangud sa ila mangin kita, apang bangud sa ila kabubut-on nga magserbisyo sa publiko.
