Transport groups, ginaduso nga ipatuman sang husto ang existing traffic ordinance kag indi ang Anti-Counterflow

ILOILO CITY – Madamu sang mga ordinansa nga dapat unahon sa pagpatuman sang husto sa baylo nga ipatuman ang Anti-Counterflow ordinance nga ginaduso ni Iloilo City Councilor Lyndon Acap.

Ini ang nangin ang reaksyon ni Reymundo ‘Boyet’ Parcon, presidente sang Iloilo City Loop Alliance of Jeepney Owners and Driver’s Association (ICLAJODA) tuhoy sa ginaduso nga ordinansa ni Acap.

Suno kay Parcon, indi ‘applicable’ ang nasambit nga ordinansa bangud sa pila ka mga rason.

Sa baylo nga idumili ang counterflow sa dalan, dapat nga mas tutukan sang Iloilo City Government ang pagpatuman sang Anti-illegal parking, wheel clamping ordinance kag pagdumili sa mga tricycle kag trisikad sa national highway agud nga malikawan ang disgrasya.