ILOILO CITY–Wala sang rason nga magpanubo sang pamasahe ang mga transport groups matapos nga igapatuman na umpisa sa Enero 2019 ang dugang nga buhis sa gatong.
Sa interview sang Bombo Radyo kay Reymundo “Boyet” Parcon, presidente sang Iloilo City Loop Alliance of Jeepney Operators and Drivers Association (ICLAJODA), iya ginpahayag nga wala sang pagbag-o sa fare rate bangud nga masami nga nagabag-o ang presyo sang gatong.
Sa pagkamatuod suno kay Parcon, bag-o pa lang nakatilaw sang fare hike ang transport groups sa pihak sang asud-asud nga pagtaas sang presyo sang gatong sadto.
Indi man suno sa iya makasarang kun magsalig lang sila sa subsidy sang gobyerno nga ginahatag rason nga wala sila sang mahimo kundi magpataas man sang pamasahe.