ILOILO CITY — Nagreklamo ang mga katapo sang City Loop Integrated Alliance of Jeepney Operators and Drivers Association (CLIAJODA) matapos nahul-an sang pagpasirado sang portion sang Jalandoni St. malapit sa University of San Agustin.
Suno kay CLIAJODA Secretary General Rizalito Alido, ginpalab-ot na nila ang reklamo kay City Council Committee on Transportation Chairman RLeone “Boots” Gerochi kag ginhingyo nga pahanugotan sila nga temporaryo nga magligwat sang ruta tungod nagakadugayan sila sa paggwa halin sa amo nga dalan.
Ginpahayag ni Alido nga guba gid ang pagpamasahero sang ila mga drivers.
Nahibaluan nga may apat sila ka katapo nga organisasyon nga apektado nga ginatapu-an sang mga ruta sang Villa Baybay, Ungka ITGSI Diversion Road, Lapaz, kag Mandurriao.