Nagpabutyag sang kahandaan ang transport group sa Iloilo City sa ginalauman nga dako nga volume sang mga pasahero halin sa probinsiya kun ipatuman na ang Local Public Transport Route Plan (LPTRP) LPTRP.
Sa interview sang Bombo Radyo kay Mr. Raymundo Parcon, presidente sang Iloilo City Loop Alliance of Jeepney Owners and Drivers Association (ICLAJODA) kag chairman sang Western Visayas Transport Cooperative, iya ginpahayag nga may 55 sila ka units sang jeep nga magabyahe sa ruta nga Ungka Terminal-Iloilo City Proper sa idalom sang WVTC.
Suno kay Parcon, sa tion nga kulangon ini nga mga units, may yara man sila sang naka-standby nga iban nga units agud mag-cater sang pasahero.
Gin-athag naman ni Parcon nga lunsay traditional jeepney anay ang mga units nga magabyahe sa idalom sang ila kooperatiba bangud wala pa nag-abot ang modernized jeepneys nga ila ginbakal.
Samtang, nag-apelar naman sa Iloilo City Government ang Metro Iloilo Transport Service Cooperative (MITSCOOP) kag ang Iloilo City Alliance of Drivers Association (ICADA) nga i-suspend anay ang pagpatuman sang Local Public Transport Route Plan (LPTRP) LPTRP sa Hunyo 12.
Sa interview sang Bombo Radyo kay Jose Marie Delos Reyes, chairman sang MITSCOOP, iya ginpahayag nga ginapanan-aw nila nga indi masarangan sang mga units sang ila existing city loop ng jeep ang mangin volume sang pasahero halin sa Oton, Pavia, Leganes, kag San Miguel.
Sa sulat nga ginpadala sang duha ka asosayon kay Mayor Jerry Trenas, ginplastar ni de los Reyes nga may yara sila sang loan application para sa 148 modernizes units halin sa Development Bank of the Philippines (DBP) kag nagahulat pa sila sang release sang ila Letter of Guarantee sa Hulyo.
Pahayag ni delos Reyes, ini nga mga units ang i-deploy sa nagkalain-lain nga mga ruta apang wala pa nila ini ginauyatan.
Dugang niya,may problema man sila sa Land Transportation Office (LTO) para sa mahinay nga release sang ila registration apllication para sa ila traditional units bangud sa system problem sang ahensya.
Ini nga mga units kuntani ang maga-cater sa mga pasahero sa ila designated terminals.
Gin-athag naman niya sang wala sila nagapamalabag sa LPTRP apang madamo lang sila sang ginakonsiderar nga mahimo magbutang sa ila mga commuters sa kompromiso.
