ILOILO – Nagtahaw na sa pila ka bahin sang syudad sang Iloilo ang trapiko subong nga adlaw.
Sa interview sang Bombo Radyo kay Jeck Conlu, pinuno sang Public Safety and Transportation Management Office , iya ginpahayag nga nga naga-amat amat na subside ang trapiko sa diin hagan-hagan na kun ikumpara sang Lunes kag Martes.
Suno kay Conlu, posible nga wala na sang trapiko bwas nga adlaw bangud nakapamakal naman ang mga pumuluyo ilabi na ang mga yara sa banwa.
Apang suno sa natungdan, posible sa gihapon nga magapugok pa ang trapiko sa pagguwa sang pumuluyo sa syudad las 5:00 sang hapon tubtob mag gab-i.
Lakip sa mga lugar nga masami nagagutok ang salakyan amo ang : Sa Balabago, Jaro Iloilo City, Buhang Jaro, Iloilo City, Ungka, Jaro Iloilo City, Hibao-an, Mandurriao, Iloilo City, Oton-San Miguel Road, Oton, Iloilo kag Arevalo, Iloilo City.
Nagpanugyan man si Conlu sa publiko nga labaan ang pasensya bangud sa indi malikawan nga Christmas rush.
